Месяц: Октябрь 2019

Այսօր երկարացված օրվա կազմակերպիչների մի խմբով այցելեցինք տիկին  Շողիկի դրախտավայր։ Որը լեցուն է տարատեսակ սենյակային բույսերով։ Այնտեղ իրենց բնակությունն են հաստատել ոչ միայն բույսերը աjլև կենդանիներն ու թռչյունները։ Մեկ ժամը բավական չէ այդ ամենը վայելելու համար։ Դե իհարկե չեմ կարծում, որ առանց տիկին Շողիկի այդ ամենը նույն կերպ կդիտվեր։ Իր շնորհիվ է ձևավորվել այդ ջերմությունն ու ներդաշնակությունը ։                Տիկին Շողիկը մեզ ծանոթացրեց ծաղիկների և բույսերի սերմնատեսակներին,այնուհետև իր հետ միասին կատարեցինք խորդենու և գայլառձիայի հասունացած սերմերի սերմնահավաք քոլեջի ծաղկանոցից ( ի դեպ տիար Բլեյանը այդ օրը ծաղկանոցը  կոչեց <<Ծաղկոց>>)։Որից հետո գայլարձիայի սերմերը ցանեցինք տ․Շողիկի կողմից պարարտացված հողի մեջ,որն իր մեջ պարունակում էր հրաբխային ապակի(պեռլիտ),որը նպաստում է բույսերի արագ և արդյունավետ աճին։Ցանելուց հետո այն տարանք մեզ հետ դասասենյակներ՝ խնամելու նպատակով։Երբ արդեն ծիլերը դուրս գան սովորող ճամբարականների հետ միասին կտեղափոխենք և կտնկենք հատկացված  վայրում։ Մեր գործընթացը իրականացրեցինք   նախագծին համապատասխան ։

 

 

 

Նպատակը

• խթանել ստեղծագործական և գեղագիտական զարգացումը
• տալ ինքնաճանաչման և ինքնադրսևորվելու հնարավորություն
• աշխատասիրության դաստիարակում

Читать далее «Աշնանային գույներով։ Ուսումնական նախագիծ» →

Նախագծի մասնակիցներ՝ երկարացված օրվա տարատարիք սովորողներ:

Նպատակը և խնդիրները՝

• Նպաստել համագործակցային, խմբային կարողությունների զարգացմանը
• Բացահայտել նոր մարզական խաղեր:
•  նպատակասլացության , ստրատեգիայի, ժամանակի զգացողության ձևավորում

Անհրաժեշտ պարագաները՝

• Գնդակներ
• Օղակներ
• Բուլավաներ
• հեծանիվներ
• պարաններ

Ընթացքը՝

Մարզական խաղերը մեծ հետաքրքրություն են առաջացնում սովորողների մոտ: Մարզական խաղերը նպաստում են սովորողների ֆիզիկական ակտիվության և ճկունության զարգացմանը, խաղերի շնորհիվ նրանց օրը դառնում է հետաքրքիր և հագեցած: Խաղերը ընտրվում են հաշվի առնելով սովորողների տարիքը և մարզական հետաքրքրությունները:

Մարզական խաղերի իրականացման նկարագրություն

    Խաղերի իրականացման ընթացքում ճամբարականները բաժանվում են երկու խմբի

• Յուրաքանչյուր շարքի մասնակից պետք է իր առջև շարված օղակների միջով ցատկելով հասնեն և դիպչեն վերջում դրված բուլավաներին:Այնուհետև վազելով հասնեն ձեռքով հպվենշարքում  իրենից ետկանգնած մասնակցին և անցնեն շարքի վերջ։ Կհաղթի այն խումբը, ով առաջինը կհասնի բուլավային և կպահպանի խաղի կանոնները:
• Յուրաքանչյուր խմբի մասնակից պարան խաղալով գնում հասնում է նշված եզրագծին պարանը թողնում է այնտեղ։ Այնտեղից  հեծանիվը վարելով գալիս հասնում է իր խմբին։ Հաջորդ մասնակիցը նույն սկզբունքով հեծանիվը վարելով գնում հասնում է եզրագծին պարանը խաղալով հետ գալիս։ Հաղթում է այն խումբը,որը ճշգրիտ կկատարի ներկայացված պահանջները։
•  Յուրաքանչյուր խմբին մեկական օղակ և գնդակ է հատկացվում: Օղակի մեջ պետք է մտնեն երեք հոգով, որի մեջտեղում կանգնած խաղացողը գնդակը վարելով պետք է զիգզագաձև շրջանցի բուլավաները մինչև պատը, իսկ վերադառնալիս երեքով գնդակը պետք է պահեն՝ առանց ձեռքերի օգնության: Հասնելով շարքին՝ արագ պետք է օղակը և գնդակը փոխանցել հաջորդ եռյակին:
•       Յուրաքանչյուր խմբին հատկացվում է մեկական գնդակ։ Գնդակը վարելով մասնակիցը զիգզագաձև անցնում է իրարից որոշ հեռավորության վրա դրված բուլավաների կողքով,հասնում սրջագծին բռնում գնդակը և վերադառնում իր խմբի վերջ։ Այնուհետև գնդակը գլխավերևով փոխանցումներով տալիս են շարքի առջևում կանգնած մասնակցին, և այդպես շարունակ։

Մասնակիցներ՝

Արևելյան դպրոցի երկարացված օրվա տարատարիք ճամբարականներ:

Ժամանակահատվածը 04․11 — 15․11

Նպատակը և խնդիրները՝
․ Ծանոթացում ուսումնական ագարակին
․ Ծանոթացում ուսումնական ագարակի կենդանիներին և բույսերին
․ Կենդանիների մաքրում, խնամում, կերակրում
․ Սեր և ուշադրություն կենդանիների հանդեպ

Անհրաժեշտ նյութեր՝
Փոխնորդ հագուստ, ռետինե ձեռնոցներ, գլխարկ։

Ընթացք՝
․Քայլքով ուղևորվում ենք Ուսումնական ագարակ
․ Ծանոթանում ենք կենդանիների և շրջակա միջավայրի հետ։Ընկեր Էդմոնի առաջնորդությամբ և աջակցությամբ  զբաղվում խնամքով։

Արդյունք՝
Ֆոտոպատումների և տեսանյութերի տեսքով հրապարակում։

 

 

 

 

 

Նախագծի մասնակիցներ՝ երկարացված օրվա տարատարիք սովորողներ:

Նպատակը և խնդիրները՝

• Զարգացնել սովորողների գիտելիքները բուսաբուծությունից, ծանոթացում բույսերին
•  Սերմանել սեր և հոգատարություն դեպի բույսը, դեպի շրջապատը, աճեցնել և խնամել բույսեր
• Իրականացնել աշխատանքներ   նախագծի շրջանակներում
• Դասասենյակում թաղարային բույսերի աճեցում:

Ընթացքը՝

• Սովորողներին Ծանոթացնել նախագծին
• Այնուհետև այց  Ջերմոց-լաբորատորիա
• Սովորողները տիկին Շողիկի օգնությամբ ստանում են  անհրաժեշտ տեղեկատվություն բույսերի մասին՝ նրանց տեսակների,խնամքի ,վնասակարարության և օգտակարության մասին
• Այնուհետև տիկին Շողիկը տրամադրում է սենյակային բույսերիտարատեսակ  կտրոններ՝ յուրաքանչյուր սովորողի մեկական կտրոն
• Սովորում ենք ճիշտ խնամել և աճեցնել  բույսեր, ինչպես նաև հետևողականորեն խնամել:                                                                                                                                                             Նախագիծն այսքանով չի սահմանափակվում,այլ կրում է շարունակական բնույթ։ Յուրաքանչյուր ճամբարական պետք է խնամի իր ծաղիկը։                              Արմատակալելուց հետո   ամեն մի ծաղկի կտրոն պետք է տեղափոխվի իրենց ձեռքերով պատրաստված թաղարների մեջ

Արդյունքը՝

• Ֆոտոպատումների, պատումների, տեսաֆիլմերի ստեղծում, հրապարակում բլոգում:

Ճաշացանկ-14.10-18.10

 

Երկուշաբթի

13:30 – 13։45    ճամբարականների ընդունում և հաշվառում

13:45 – 14։00    հանգիստ

14:00 – 14:45    ճաշ

14:50   — 15:40   ինքնապատրաստուն

15։45 —  16։30   բակային խաղեր

16։30  —  17։00    դասասենյակի մաքրում և տուն ճանապարհում

Երեքշաբթի

13։35 – 13։45     ճամբարականների ընդունում և հաշվառում

13:45 – 14:00     միջավայրի խնամք

14։00 – 14։45     ճաշ

14։50 —  15։40     ինքնակրթություն

15։45 – 16։30     ֆիլմ դիտում դաստիարակչական նկատառումներով

16։30  — 17։00    դասասենյակի մաքրում և տուն ճանապարհում

Չորեքշաբթի

13։35 – 13։45     ճամբարականների ընդունում և հաշվառում

13:45 – 14:00      բակային խաղեր

14։00 – 14։45     ճաշ

14։50 —  15։40      ինքնապատրաստում

15։45 – 16։30      խեցեգործություն

16։30  — 17։00     դասասենյակի դասավորում և տուն ճանապարհում

Հինգշաբթի

13։35 – 13։45     ճամբարականների ընդունում և հաշվառում

13:45 – 14:00    միջավայրի խնամք

14։00  — 14։45     ճաշ

14։50 —  15։40     ինքնակրթություն

15։45  —     16։30      այցելություն ուսումնական ագարակ                                                                                                                                                                                                                                          16։30   — 17։00   դասասենյակի դասավորում և տուն ճանապարհում

Ուրբաթ

13։35 – 13։45     ճամբարականների ընդունում և հաշվառում

13։45 – 14։00   հանգիստ

14:00 – 14:30   ճաշ

14։40 —  16։00   մեդիաուրբաթ(մարմարյա սրահ)

16։00 – 16։30     բակային խաղեր

16։30   — 17։00   դասասենյակի դասավորում և տուն ճանապարհում

 

 

 

Երկարացված օրվա կազմակերպիչների սեմինարն այս շաբաթ հեծանվավարություն էր։ Սիրում եմ հեծանիվ վարել ,բայց այդքան էլ հմուտ վարող չեմ։ Առավոտից մտքերի մեջ էի․հանկարծ չընկնեմ,վնասվածքներ չստանամ։Բայց, երբ  խմբով հավաքվեցինք,ընտրեցինք մեր հեծանիվները և առաջ ընթացանք, վախս գնալով փարատվեց։ Իհարկե, Արմինե Թոփչյանի դերը մեծ էր այդ գործում։ Իրեն հետևելով ավելի վստահ ես սլանում։ Ընկեր Արմինեն նախատեսել էր մեզ համար հետևյալ հեծանվաուղին՝ Մայր դպրոց -> Մեդիա կենտրոն -> Հյուսիսային դպրոց ->  Արևելյան դպրոց –> Մայր դպրոց։Մեր ուղին և՛ վերելքներով էր և՛ վայրէջքներով։ Այնպես էի շիկնել, կարծես մեծ պայքարի մեջ էի ես հեծանվի հետ։ Վերջում հասկացա , որ ես հաղթահարեցի և հաղթանակած դուրս եկա այդ մենամարտում։ Լավ թիմ էր հավաքվել,բոլորն էլ մինչև վերջ պայքարեցին և առաջ շարժվեցին։                                                                                                         Սեմինարը շատ հետաքրքիր ընթացք ունեցավ։ Շնորհակալություն ընկեր Արմինեին, որ հնարավորություն տվեց ևս մեկ անգամ զգալ, որ բոլոր դժվարություններն էլ հաղթահարելի են։ Ընդամենը պետք է համարձակություն և առաջ շարժվելու ձգտում։

Լուսանկարները ՝ Արմինե Թոփչյանի

Ուրախ տրամադրությամբ և մեծ սպասելիքներով ճամփա ընկանք դեպի Թեժառույք։ Երեխաները անհամբեր սպասում էին թե, երբ ենք հասնելու տեղ։ Ոգևորված էին բոլորը։ Քանի որ բացի բարձունք հաղթահարելուց, իրենց առջև դրված էին խնդիրրներ։ Վերջապես տեղ հասանք,որտեղ մեզ էր սպասում դասվար Արմինե Մովսիսյանի հորաքույրը՝Սուսան տատին, բռով ընդեղենը ձեռքին։ Իր ջերմ զրույցներով նա մեզ ուղեկից եղավ ամբողջ քայլքի ընթացքում։                                                         Հասուն մարդու նման խիզախ ու խրոխտ քայլերով առաջ էին ընդանում առաջ,իսկապես հաղթահարելով բարձունքը։ Երեխաների ոգևորությունը այնքան  մեծ էր, որ չէին ցանկանում հեռանալ այնտեղից։                                                                                                                            Ինձ համար նույնպես բացահայտում էր Թեժառույքը։ Բնությունն աննկարագրելի գեղեցիկ էր,էլ չեմ խոսում վանքի մասին։  Վանքն իր մեջ անասելի ուժ ու զորություն ուներ։

Վայրէջքից հետո մենք հյուրընկալեցինք  ամուսիններ Մեխակ պապիկին ու Սուսան տատիկին, հատուկ մեզ համար  պատրաստված փռի կարտոֆիլը համտեսելու համար։ Այնքան սեր ու ջերմություն կար իրենց մեջ, որ նրանց չսիրել անհնար էր։ Հատուկ շնորհակալություն իրենց այդչափ մարդ լինելու համար։

Պատումի մասին ավելի պատկերավոր, ստորև լուսանկարներով․