Նախագծի հեղինակներ՝ Նարինե Պողոսյան, Հյուսիսային դպրոց-պարտեզ, Արմինե Մանուկյան, Արևելյան դպրոց-պարտեզ
Մասնակիցներ՝ Հյուսիսային և Արևելյան դպրոցների երկարացված օրվա տարատարիք սովորողներ:
Օրը՝ նոյեմբերի 22
Վայրը՝ Արևելյան դպրոց-պարտեզ
Նպատակը և խնդիրները՝
- Իրականացնել համատեղ մարզական խաղեր, հեծանվավարություն տարատարիք ճամբարականների հետ
- Նպաստել առողջ ապրելակերպի զարգացմանը
- Նպաստել դիմացկունության, ճարպկության, ցատկունակության, արագավազության, շարժունակության զարգացմանը
- Նպաստել ուշադրության, հիշողության կենտրոնացմանը
- Նպաստել համագործակցային, խմբային կարողությունների զարգացմանը
Անհրաժեշտ պարագաներ՝
- Գնդակներ
- Օղակներ
- Բուլավաներ
- հեծանիվ Մարզական խաղերը մեծ հետաքրքրություն են առաջացնում սովորողների մոտ: Մարզական խաղերը նպաստում են սովորողների ֆիզիկական ակտիվության և ճկունության զարգացմանը, խաղերի շնորհիվ նրանց օրը դառնում է հետաքրքիր և հագեցած: Խաղերը ընտրվում են հաշվի առնելով սովորողների տարիքը և մարզական հետաքրքրությունները:
Համատեղ նախագիծը իր մեջ ներառում է վազք, հեծանվավարություն և մարզական խաղեր։
Մարզական խաղերի նկարագրություններ՝
- Սովորողները բաժանվում են երկու խմբի, որից հետո յուրաքանչյուր խմբին հատկացվում են մի քանի օղակներ: Յուրաքանչյուր խմբում սովորողներից մի քանիսը բռնում են օղակները, իսկ մնացած մասնակիցները ըստ հերթականության անցնում են օղակների միջով ՝ առանց դիպչելու: Կհաղթի այն խումբը, ով առաջինը կհասնի պատին:
- Սովորողները բաժանվում են երկու խմբի, որից հետո ներկայացնում ենք խաղի կանոնները: Այնուհետև սովորողները պետք է իրենց առջև շարված օղակների միջով ցատկելով հասնեն և դիպչեն վերջում դրված բուլավաներին: Կհաղթի այն խումբը, ով առաջինը կհասնի բուլավային և կպահպանի խաղի կանոնները:
- Երկու խմբեր մրցում են իրար դեմ: Յուրաքանչյուր խմբին մեկական օղակ և գնդակ է հատկացվում: Օղակի մեջ պետք է մտնեն երեք հոգով, որի մեջտեղում կանգնած խաղացողը գնդակը վարելով պետք է զիգզագաձև շրջանցի բուլավաները մինչև պատը, իսկ վերադառնալիս երեքով գնդակը պետք է պահեն՝ առանց ձեռքերի օգնության: Հասնելով շարքին՝ արագ պետք է օղակը և գնդակը փոխանցել հաջորդ եռյակին:
Արդյունքը՝
- Ֆոտոպատումների, պատումների, տեսաֆիլմերի ստեղծում, հրապարակում բլոգում:
Արմինե Մանուկյան 