Երկարացված օրվա կազմակերպման սեմինարը այս շաբաթ վերաբերվում էր խաղողագործությանը։Խաղողի և գինու դպրոցի ղեկավար՝ Արտակ Ռշտունին տեսականորեն և գործնականորեն ներկայացրեց խաղողի տեսակների առանձնահատկությունների,որակական հատկանիշների վերաբերյալ տեղեկություններ։ Մինչ այդ ես այն կարծիքի էի,որ ամեն տեսակի խաղողից կարելի է որակյալ գինի ստանալ,բայց պարզվեց, որ այդքան էլ այդպես չէ։ Նույնիսկ կարելի է խաղողի տերևով որոշել տվյալ խաղողի տեսակը։ Խաղողագործությունը կրթաահամալիրում զարգացնելու վերաբերյալ հնչեցին նախագծային մտահաղացումներ երկարացված օրվա կազմակերպիչների ներգրավմամբ և իրագործմամբ։ Իսկ վերջում էլ ինչ խաղողագործության և գինեգործության սեմինար առանց գինի համտեսման։ Պարոն Ռշտունու հյուրասիրությամբ ըմբոշխնեցինք կրթահամալիրի սաների արդար ձեռքով պատրաստված գինու տեսականուց։ Անշուշտ համեղ էր։ Սեմինարը և օգտակար էր և հետաքրքիր։ Շնորհակալություն կազմակերպման համար։
Արմինե Մանուկյան 